User Rating: 
/ 0
- Details
-
Created on Sunday, 29 January 2012 15:24
-
Published on Sunday, 29 January 2012 15:24
-
Written by Alex A. Lumaque
-
Hits: 50
SYUDAD SANG ROXAS, Capiz --- Nobenta ka mga iskolar sang Capiz kaangut sa Viable and Innovative College (VIC) scholarship nga programa ang maga-gradwar karon nga tuig.
Ginpahayag ni Grace Dilao nga staff sang VIC Scholarship Program Secretariat sa website sang Capiz nga ang mga kandidato para sa gradwasyon ang ginalakipan sang 26 ka iskolar sang apat ka tuig nga kurso subongman 68 nga iskolar nga magatapos sang vocational kag technical nga mga kurso.
Ang programa nga nagatuyo mga magbulig sa mga pigado apang maalam nga mga estudyante nga maka-eskwela kag makatapos sang kolehiyo ang kaangut sa Quality and Relevant Education Agendum sang probinsya.
Nahibaluan nga para sa school year 2010 – 2011 may ara sa kapin 401 ka mga iskolar ang probinsya humalin sa 20 lamang sang ginpadayon ini ni Gobernador Victor A. Tanco, Sr. sa iya administrasyon.
Samtang magluwas sa VIC Scholarship nga programa, ginapatuman man sang probinsya ang Iskolar sang Capiz para sa mga sekondarya nga mga estudyante kag Mobile Technology School (MTS) para sa mga out-of-school nga mga pamatan-on kag iban pa nga interesado para sa pang-palangabuhian nga paghanas.
Ang MTS ang ginapatuman sa pagpanguna sang Capiz State University (CapSU) sa bulig sang Department of Labor and Employment kag TESDA.
