SYUDAD SANG ILOILO --- Naghatag ang Bureau of Fisheries and Aquatic Resources (BFAR) sang bulig nga pundo balor P1.25 milyones sa gobyerno probinsyal sang Iloilo agud ibakal sang bag-o nga Bantay Dagat patrol boat para sa kampanya sini kontra iligal nga pangisda.
MANILA --- Ang Secretariat sang Association of Southeast Asian Nations (ASEAN) ang nagapatigayon sang isa “ASEAN Drawing Contest” halin sa sini nga bulan sang Mayo tubtub Hulyo sini nga tuig agud saulugon ang ika-45 ka tuig nga anibersaryo sang ASEAN nga natuon sa Agosto 8.
MANILA --- Si Presidente Benigno S. Aquino III nag-abi-abi sang lihok sang mga grupo sa transportation sa boluntaryo nga pagpanubo sang pamasahe sang pampubliko nga salakyan kasunod sang pag-rollback sang presyo sang gatong sa sini nga tuig.
SYUDAD SANG ROXAS, Capiz --- Magapangamuyo kag maga-sindi sang kandila para sa mga nagkalamatay sa HIV-AIDS sa may pampubliko nga plaza bilang kabahin sang pag-obserba sa Roxas City sang International AIDS Candlelight Memorial (IACM) sa kasisidmon sang Mayo 25 karon nga tuig.
SYUDAD SANG BACOLOD --- Ang Task Force Batagoy sang goberno lokal sang Bacolod wala sang nadakpan nga nagabaligya sang "hot meat" sa tatlo ka mga merkado kag mga talipapa nga mga balaligya-an sa nagligad nga tatlo ka bulan.
