PHO nagakampanya sa pagpananum kang prutas kag laswa kontra sa malnutrisyon

User Rating:  / 0

Details

Created on Sunday, 29 January 2012 15:26

Published on Sunday, 29 January 2012 15:26

Written by Pilar S. Mabaquiao

Hits: 53

SAN JOSE, Antique --- Ang Provincial Health Office nagakampanya sa pagpananum kang prutas kag laswa agud pakigbatu-an ang malnutrisyon.

“Ang adlaw-adlaw nga pagkaon kang laswa kag prutas mangin sentro kang kampanya sa pagpadayun kang programa sa nutrisyon kadya nga tuig”, dya hambal ni Provincial Nutrition Action Officer Nida Pallon.

Tungod ridya ka dya, kinahanglan nga magtanum kang raku nga laswa kag prutas ang mga katawhan bisan sa palibot kang anda panimalay lamang, hambal ni Pallon.

Di kinahanglan mangin mahal ang masustansya nga pagkaon, anang pagpa-athag.. Raku nga mga masustansya nga pagkaon ang aton makita kag matanum sa palibot parehas kang malunggay, saluyot kag kapayas. Dya buta kang sustansya nga aton kinhanglanun ilabi na gid kang mga kabataan.

Kaimaw sa Departamento kang Agrikultura kag Edukasyon, ang PHO naga suporta gid sa programa nga “gulayan sa paaralan kag gulayan bayan” para padayun nga masustiner ang kinahanglanun nga laswa kag prutas kang mga katawhan.

Ang PHO nagapangabay man sa mga opisyales sa barangay sa pagbulig sa pag- inganyo sa mga ginikanan nga hindi magkalipat sa pagdara kang andang kabataan sa health center para sa regular nga pagpa check up, pag pabakuna kag iba nga mga serbisyo sa ika-ayong lawas.

Ang mga ginikanan ginapanugyan man sa pagtambong kang mga “parent development sessions” para makadugang kang andang naman-an sa pag-atipan kang andang kabataan.

• < Prev
• Next >