DepEd naghinyu sa mga lokal nga opisyales sa pagbulig sa temprano nga pagparehistro kang mga estudyante

User Rating:  / 0

Details

Created on Sunday, 29 January 2012 15:17

Published on Sunday, 29 January 2012 15:17

Written by Pilar S. Mabaquiao

Hits: 49

SAN JOSE, Antique --- Ang Department of Education nagapangabay kang suporta kang mga opisyales sa mga barangay sa ginapaabot nga temprano nga pagparehistro kang mga estudyante sa Enero 28, 2012.

“Bahul gid ang mabulig kang mga opisyales sa barangay sa pagpangita kang mga kabataan nga kinahanglan magparehistro sa maabot nga 2012-2013 nga pagbukas kang klase,” dya suno kay Noel Gipal kang Department of Education, Divison of Antique.

Suno sa Department Order kang DepEd, ang tanan nga mga kabataan dapat magparehistro kang temprano lakip na ang nag-untat sa pag eskwela kag ang may mga kasablagan sa lawas.

Ang Division kang Antique, suno kay Gipal, nagatinguha gid nga mapaman-an ang mga ginikanan kadyang mga kabataan ilabi na gid ang sa marayu nga mga lugar.

Kinahanglan gid nga maka parehistro sa mas temprano ang mga eskwela para mabinag-binag lagi kang natungdan nga opisyales kang DepEd kun ano ang mayad nga himu-on inkaso nga magraku ang estudyante sa 2012-2013.

Ugaring ginhambal ni Gipal nga kun i-komparar sa iba nga lugar sa syudad ukon marayu nga kabarangayan sa Mindanao, mas magamay gawa ang problema sa Antique.

Padayun ang programa sa pagpatindug kang mga pasilidades sa eskwelahan nga ginabuligan di lamang kang DepEd kundi pati pa ang lokal nga pamunu-an kag opisina kang representante sa Kongreso.

Gani ginalauman kang DepEd ang suporta kang tanan nga mga opisyales kang Barangay sa dya nga lihuk.

• < Prev
• Next >