PNP padayon ang kampanya kontra iligal nga droga

User Rating:  / 0

Details

Created on Sunday, 29 January 2012 15:13

Published on Sunday, 29 January 2012 15:13

Written by Margie L. Gadian

Hits: 61

SAN JOSE, Antique --- Kadya lang ang Antique Police Provincial Office Anti-Illegal Drugs Special Operation Task Force (PAIDSOTG) kag ang San Jose Police nagdakup kang ginasugid nga drug-pusher sa isara ka barangay rudya sa San Jose.

Ang 22 anyos nga lalaki nadakpan nga nagakapot kang darwa ka putos nga shabu, marijuana kag markado nga kuarta nga gingamit sa buy-bust operation.

Suno kay Senior Superintendent Ruperto T. Floro Jr., Police Director kang APPO, ang operasyon amo ang una nga binuhatan kang anang opisina sa tuig nga dya sa kampanya kontra droga.

Gindayaw ni Floro ang anang mga tawo sa andang dedikasyon sa pagtapna kang pagrapta kang iligal nga droga.

Ang Antique Police Provincial Office maid-id nga naga kumpanya kontra droga para madura ang tunok nga dya sa Antique.

Nagahimo sanda kang mga pagbantay kag buy-bust operation sa mga suspektado nga lugar kag tawo para sa mas maaga madura ron ang halit nga dya sa sosyedad.

Ang presensya ugaring kang mga seaports, RORO, kag iban pa nga transportasyon nagapa dugang sa mahapos nga pagrapta kang droga amo gani nga ang kapulisan wara naga untat sa pagbantay.

• < Prev
• Next >