Pulis sa Antique magapasanyog kampanya kontra sa kriminalidad

User Rating:  / 0

Details

Created on Tuesday, 17 January 2012 01:11

Published on Tuesday, 17 January 2012 01:11

Written by Pilar S. Mabaquiao

Hits: 56

SAN JOSE, Antique --- Ang Antique Police Provincial Office ukon APPO nag komiter sa pagpasanyog kang kampanya kontra sa kriminalidad sa andang pag-atubang kang tuig 2012 paagi sa pagpakig-angut sa nasari-sari nga sektor kang komunidad.

Sa paghinun-anun kay PSupt. Jose Roy Torrechilla, tana naghambal nga kinahanglanun gid ang bulig kang komunidad, ahensya kang gobyerno, pribado nga orgnisasyon kag lokal nga pamunu-an sa aton kampanya kontra kriminalidad kag pag mentinar kang kalinong kag katawhay.

Paagi sa Police Ingtegrated Patrol System, ang APPO nagatuyo gid sa pagpanaba kang kaso kang kriminalidad sa dya nga tuig, hambal ni Torrechilla.

Ang 18 kang Municipal Police Station kag darwa ka “mobile groups” nagasanto sa sangka misyon nga mapasiguro nga ang tanan nga naga sablag sa kalinong kag katawhay mataw-an kang husto nga pinalidad, dugang hambal ni Torrechilla.

Ang PNP nagahinyo man kang suporta kang Barangay Peacekeeping Action Team halin sa 590 kag mga barangay sa pagbulig sa mga kapulisan sa pag mentinar kang kalinong kag katawhay.

Ang pulis sa idalom kang pagdumara ni Police Director General Nicanor A. Bartolome nagdesignar kang sangka pulis sa kada barangay nga amo ang magapasiguro kang pagsunod sa layi tuhoy sa kaliningan.

Si Torrechilla nagpasiguro nga ang APPO sa idalom ka pagdumara ni PSSupt. Ruperto T. Floro, Jr magahimo kang tanan nga pamaagi mapasiguro lamang nga ang Antique padayun nga mangin sangka lugar manami uli-an ukon bakasyunan.

• < Prev
• Next >