Kampanya sa turismo padayun nga may bag-o nga ‘slogan’

User Rating:  / 0

Details

Created on Monday, 16 January 2012 20:21

Published on Monday, 16 January 2012 20:21

Written by Pilar S. Mabaquiao

Hits: 65

SAN JOSE, Antique --- Ang raku nga komentaryo kang publiko sa internet kag newspaper sa bag-o nga "slogan" kang Department of Tourism sangka pamatu-od nga ang kampanya “It’s more fun in the Philippines” makapasanyug kang turismo sa pungsod.

Dya suno kay Deputy Presidential Spokesperson Abigail Valte, nga naghambal nga raku ang Filipino ang nakasabay sa amo nga kampanya para ma presentar ang pungsod bilang sangka lugar nga manami bisitahan sa 2012.

Ang DOT kang kasan-o gid lamang naglunsad kang sangka kampanya “It’s more fun in the Philippines” (Masadya sa Pilipinas) sangka pamaagi nga mapakita ang kamayad kang pungsod bilang sangka destinasyon kang turista.

Ginhambal ni Valte nga raku ang nakipagdebate tuhoy sa bag-o nga slogan, raku nga tawo ang gusto pamatud-an nga masadya gid man sa Pilipinas.

Ginhambal man ni Valte nga kun imo turukon sa internet (online) raku ang gusto mag entra sa diskusyon, nagapakita nga dya nabaton run kang raku nga mga katawhan.

May kompyansa ang DOT, suno kay Valte, nga ang dya nga kampanya makadara kang raku nga turista sa pungsod ka dya nga tuig. 

• < Prev
• Next >