Presidente Aquino suportado ang 'Freedom of Information Bill'

User Rating:  / 0

Details

Created on Monday, 16 January 2012 20:17

Published on Monday, 16 January 2012 20:17

Written by Pilar S. Mabaquiao

Hits: 59

SAN JOSE, Antique --- Suportado ni Presidente Benigno S. Aquino III ang “Freedom of Informaiton Bill” ukon FOI nga nagahulat sa Kongreso.

Dya nga ginaproponer nga layi nagalaum sa pagbuyagyag kang mga impormasyon sa publiko kang mga transaksyon sa gobyerno agud dya mangin bukas sa tanan nga katawhan.

Ang Presidente nakipagpulong kanday Secretary Florencio Abad, Rene Almendras, Ricky Carandang, Edwin Lacierda kag Undersecretary Manuel L. Quezon para istoryahan ang detalye kang gina proponer nga layi.

Ginpabutyag ni Quezon nga sanda nakighinun-anun sa mga opisina kang gobyerno sa ehekutibo nga departamento tuhoy sa amo nga layi suno sa mando kang Presidente.

Ana gindugang hambal nga ang Presidente mismo ang nagaduso sa amo nga layi.

Kang ginpamangkot kun ano ka lawid para ma aprobahan ang amo nga layi, hambal ni Quezon, dya depende sa liderato kang manaba nga Kongreso kag ang Senado.

Ang darwa ka panalgan kang Kongreso naghisugot nga himuon dya nga mayor nga hinimu-an kang ika-15 nga Kongreso.

Dugang hambal ni Quezon, may mga impormasyon nga indi dapat isugid sa publiko parehas kang may kahilabtanan sa kalinong kag katawhay, sensitibo nga impormasyon sa relasyon kang Pilipinas sa iba nga pungsod kag operasyon kang militarya kag pulis.

Magluwas sa mga sensitibo nga impormasyon, dapat ang mga transaksyon sa gobyerno klaro sa mga katawhan nga may kinahanglan sa dya nga impormasyon.

• < Prev
• Next >