Rehistrasyon sa mga eskuelahan ginpa temprano

User Rating:  / 0

Details

Created on Monday, 16 January 2012 17:31

Published on Monday, 16 January 2012 17:31

Written by Margie L. Gadian

Hits: 51

SAN JOSE, Antique --- Ang Departamento sa Edukasyon nag anunsyo kang mas temprano nga rehistrasyon sa mga eskuelahan para sa kindergarten, Grade 1 kag first year high school para sa School Year 2012-2013 sa Enero 28, 2012 sa bug-os nga nasyon.

Ang rehistrasyon nga dya naga tugro man sa mga out-of-school children (OSC), out-of-school youth (OSY) kag kabataan nga may espesyal nga kinahanglanon kang tsansa nga makapa rehistro.

Ang mas temprano nga rehistrasyon nagatuyo sa paglab-ot sa tanan nga mga lima ka tuig ang edad nga kabataan nga magpalista sa kindergarten kag ang anum ka tuig magpa lista sa Grade 1.

Nagatuyo man dya sa sa paggarantiya kang rehistrasyon kang mga OSC kag OSY halin sa mga pigado nga grupo, mga indigenous peoples kag kabataan sa karsadahon nga ga edad 5- 18 sa andang napili nga delivery system.

Ang kabataan makapili sa pormal nga pag eskwela okon paagi sa alternative delivery mode (ADM) okon informal mode via the alternative learning system (ALS).

• < Prev
• Next >