DOH naghambal may bag-o nga ineksyon kontra dengue nga gina estudyahan

User Rating:  / 0

Details

Created on Sunday, 14 August 2011 19:02

Published on Sunday, 14 August 2011 19:02

Written by Margie L. Gadian

Hits: 93

SAN JOSE, Antique -- Ang probinsya kang Antique ginbayo kang sunod-sunod nga pag-uran kang nagligad nga mga semana. Ang bukot malig-on nga sitwasyon nga dya nagatugro kahigayonan sa lamok nga ."aedes aegypti", ang nagatuga kang dengue nga kagaw, nga mangin faborable kananda nga mag duro.

Bisan nga ang Antique wara gid man ti duro nga kaso kang dengue halin Enero hasta Hunyo ka dya nga tuig kumparar sa amo man nga panahon kang nagligad nga tuig, pero ang opisina kang IPHO nag rekord kang tutal nga 151 ka kaso kang dengue, laban mga kabataan nga mahuyang gawa.

Ang panawagan sa tanan nga mga eskwelahan kag mga panimalay nga maghimo kang andang kaundan nga pagpanglimpyo sa andang palibot wara mag-untat. Pati ang mga kabaranggayan nagahimo man kang andang adlaw-adlaw nga kampanya sa natungdan nga mga lugar.

Ang kumpanya kontra dengue dapat masustener bilog nga tuig, suno sa DOH tungod nga ang kagaw nga dengue bukot lang seasonal kundi ga gwa bilog nga tuig. Wara ron ga pili ang lamok nga ga dara kang dengue bata man o mal-am.

Ang DOH sa tulad naga estudyo kang ka epektibo kang sankga ineksyon nga kontra dengue nga virus.Suno kay ASEC Enrique Tayag kang tana gin interbyu sa programa kang PIA nga Talking Points nga gin palayag sa Radyo ng Bayan, ang pag tuon magalawig hasta antes ang tuig 2014. Naghambal si Tayag nga kon ma porbahan, dya ang una nga bulong nga makapaayad kang balatian.

Sa amo man gihapon nga pulong, si Assec Tayag nagsugid nga kon may pagsaka kang kaso kang dengue sa bug-os nga pungsod, ang lugar iga konsiderar nga sangka 'dengue hotspot' kon padayon ang pagsaka kang kaso sa sulod kang apat ka semana.

Sa pihak nga bahin, ang 'outbreak' nagatuhaw kon ang kaso sa tulad naga sobra sa tungatunga nga numero kang kaso sa sulod kang lima ka tuig.

• < Prev
• Next >