Tobias Fornier PNP nagselebrar kang andang anibersaryo

User Rating:  / 0

Details

Created on Sunday, 14 August 2011 19:01

Published on Sunday, 14 August 2011 19:01

Written by Margie L. Gadian

Hits: 96

SAN JOSE, Antique -- Ang Philippine National Police sa probinsya kang Antique naghiwat kang sangka bulan nga pagselebrar kang andang anibersaryo pinaagi sa nasarisari nga aktibidades.

Ang mga estasyonan kang pulis lakip na ang Tobias Fornier nga ginapangunahan ni OIC P/Inspector Adolfo E. Pagharion,Jr. nagpasaylo kang ikarwa nga "Mamang Pulis Shed" sa merkado publiko. Ang dya nga pasirongan importante nga gamiton kang mga nagabantay kang kalinong sa merkado kag mga ga pasunod ka trapiko para sanda indi mainitan kag mauranan. Dya naga serbi man nga sentro para magbulig sa mga motorista nga nagaagi sa banwa kang Tobias Fornier.

Ang iban nga aktibidades amo ang pagtanum kang kahoy, programa sa radyo, pagbisita sa mga eskwelahan kag mga barangay, kag paghinun-anun. Ang pag konsultasyon na sentro sa pagpreparar sa tion kang kalamidad, pag-upang kang krimen, kag Barangay Peacekeeping Operations.

Ang pagtanum kang 110 ka kahoy sa Brgy. Abaca, Tobias Fornier nasanto sa panawagan kang Presidente nga magtanum kang kahoy para mapahagahagan ang "climate change" amo ang nagtakop kang selebrasyon.

Ang bilog nga puersa kang kapulisan sa pungsod nagselebrar kang andang ika 110th nga Police Service Anniversary kahapon Agosto 8, 2011.

Ang adlaw nagtanda kang paghimo kang Philippine Constabulary kang Agosto 8, 1901. Ang karon nga Philippine National Police ginhimo kang January 29,1991 pinaagi sa Akta Republika 6975.

Ang Insular Force nga nakilala sa andang orientasyon nga militar nag-obra man nga daw mediko, manunudlo kag taglaygay. Gahimo man sanda kang mga hirikuton nga nagahatud kang serbisyo publiko parehas kang ginahimo kang atun presente nga Philippine National Police.

• < Prev
• Next >