PNP mapatindog tatlo ka panalgan nga building

User Rating:  / 0

Details

Created on Sunday, 14 August 2011 18:58

Published on Sunday, 14 August 2011 18:58

Written by Margie L. Gadian

Hits: 113

SAN JOSE, Antique -- Ang Philippine National Police mapatindog kang tatlo (3) ka panalgan nga opisina sa banwa ka Patnongon.

Dya magabalay sa nasarisari nga opisisna kang PNP sa amo nga lugar nga sa buhay ron nga panahon nagapungko lamang sa huram nga lugar kang Department of Social Welfare and Development (DSWD).

Si Mayor Johnnyflores S. Bacongallo nagpangabay gid kang pondo sa mataas nga pamunuan kang PNP kag nagdugang man ang LGU kang kantidad bilang kabahin ka garastuson sa pagpatindog kang amo nga imprastruktura.

Suno kay Esther Crespo, taghambal kang amo nga banwa, ang edipisyo nga nahamtang sa tunga kang opisisna kang Rural Health Unit kag kang munisipyo mismo nagabalor kang P2.9M sa diin ang kantidad nga P1.7M mahalin sa PNP kag ang bilin nga P1.2M igatugro kang LGU Patnongon.

Padayon ang pag-obra kang edipisyo nga ginalauman matapos sa Disyembre 2011.

Ang bag-o nga edipisyo nga dya maga pataas gid kang moral ka mga kapulisan nga gina kosiderar manog bantay kang katawhan kag komunidad para sa sangka malinong kag matawhay nga banwa, suno kay Mayor Bacongallo.

• < Prev
• Next >