PSWDO magabukas kang ‘Pagsapupo Center’

User Rating:  / 0

Details

Created on Thursday, 24 March 2011 21:15

Published on Thursday, 24 March 2011 13:15

Written by PIA

Hits: 410

SAN JOSE, Antique – Magabukas ang Provincial Social Welfare and Development Office kang ganhaan kang “Pagsapupo Center” para sa mga kabataan kag kababaihan nga biktima kang pang-abuso kag “trafficking”.

Ang bag-o nga sentro nga makit-an sa Barangay Cerdeña St., San Jose, Antique magatindog sa 640 metro kwadrado nga lote nga gin donar kang Department of Education sa gobierno probinsyal katong Abril 2000.

Si Gobernador Exequiel B. Javier kag anay Gov. Sally Z. Perez nagtugro gid kang bahul nga pag-igtalupangod sa pag realisar ka dyang proyekto.

Sa bulig pinansyal ni Sen. Loren Legarda kag pagpasar kang Provincial Ordinance No. 2003-019 kang 2003 nga gin proponir ni anay SP Member kag karon Bise Gobernador Rosi Dimamay, natapos ang amo nga building.

Ang sentro magatugro kang komprehensibo nga serbisyo sosyal sa pag protekta, rehabilitate kag pagdihon kang mga kabataan kag kababaihan sa diin sanda matugroan kang mga pamaagi nga magdihon ang andang potensyal kag respeto sa andang pagkatawo.

Buligan man ang mga biktima nga malampuwasan nanda ang andang bukot name nga inagihan.

Ang sentro iga-inagurahan sa Marso 28 sa alas nuebe ang takna sa aga nga magdungan sa pagtapos kang pag-selebrar kang bulan kang kababaihan.

• < Prev
• Next >