Gobyerno nagatinguha nga mabalhin ang negatibo nga punurukan sa mga katawhan nga may kasablagan

User Rating:  / 0

Details

Created on Friday, 09 December 2011 20:15

Published on Friday, 09 December 2011 20:15

Written by Pilar S. Mabaquiao

Hits: 55

SAN JOSE, Antique --- Si Presidente Benigno S. Aquino III naghambal nga ang gobyerno nagapaninguha nga mabalhin ang negatibo nga panurukan sa mga katawhan nga may kasablagan sa lawas.

Sa anang paghambal sa 2nd Asia-Pacific Community Based Rehabilitation Congress kang Martes sa Sofitel Philippine Plaza Hotel sa Pasay City, ang Presidente naghambal nga ang gobyerno magapatigayun kang kauswagan para sa tanan lakip na ang tawo nga may kasablagan.

Hambal kang Presidente, kun makuon kita nga kauswagan kang tanan dya para sa tanan nga Filipino lakip na ang may kasablagan sa lawas. Raku nga mga katawhan nga wara makaintindi nga ang tawo nga may kasablagan kinhanglanun nga tratarun nga parehas sa sosyodad.

Dya nga tiku nga pagpati dapat natun balhinun tungod kun padayun nga matabo aton ginapunggan ang oportunidad sa mga tawo nga may kasablagan nga mag-uswag lakip na ang anang kinamatarung kag pagtuman kang anang handum, hambal ka Presidente.

Ang mga lokal nga pamunu-an, hambal ka Presidente, nakahimo na ka pamaagi agud madura ang dya nga diskriminasyon paagi sa "Community Based Rehabilitation Program".

Sa nasyonal nga lebel, and Presidente naghambal nga ang gobyerno nakahimo na ka mga pamaagi parehas kang pagpatindug kang mga institusyon nga makata-o kang pag-atipan sa mga tawo nga may kasablagan lakip na ang mga program nga makabulig kananda nga mangin mainuswagun.

• < Prev
• Next >